బ్లాక్బస్టర్ 'హమ్ దిల్ దే చుకే సనమ్' గురించి మనకు తెలీని మైండ్ బ్లోయింగ్ నిజాలు!
on Jun 20, 2021
జూన్ 18వ తేదీతో 'హమ్ దిల్ దే చుకే సనమ్' విడుదలై 22 సంవత్సరాలు పూర్తయ్యాయి. రొమాంటిక్ మ్యూజికల్ బ్లాక్బస్టర్ అయిన ఈ మూవీలో సల్మాన్ ఖాన్, అజయ్ దేవ్గణ్, ఐశ్వర్యా రాయ్ ప్రధాన పాత్రధారులు. సంజయ్ లీలా భన్సాలీ డైరెక్ట్ చేసిన ఈ ఫిల్మ్ 1999లోని బిగ్గెస్ట్ హిట్స్లో ఒకటిగా నిలవగా, ఇస్మాయిల్ దర్బార్ మ్యూజిక్ అందించిన సాంగ్స్ సూపర్ పాపులర్ అయ్యాయి. ఈ సినిమాకు సంబంధించిన కొన్ని నిజాలు తెలుసుకుంటే ఆశ్చర్యం కలగక మానదు.
* ఈ సినిమాలో వనరాజ్ క్యారెక్టర్కు భన్సాలీ పలువురు నటులను సంప్రదించాడు. వారిలో షారుఖ్ ఖాన్, ఆమిర్ ఖాన్, అనిల్ కపూర్, సంజయ్ దత్, అక్షయ్ కుమార్ ఉన్నారు. చివరకు ఆ క్యారెక్టర్ అజయ్ దేవ్గణ్ను వరించింది.
* 'ఖామోషి: ద మ్యూజికల్' (1996) తర్వాత సల్మాన్, భన్సాలీ కాంబినేషన్లో వచ్చిన రెండో సినిమా ఇది.
* ఈ సినిమాలో సమీర్ పాత్రధారి సల్మాన్ ఖాన్ ఆకాశం వైపు చూస్తూ మృతుడైన తన తండ్రితో మాట్లాడుతుంటాడు. చిన్నప్పుడు భన్సాలీ అలాగే చేసేవాడు. దాన్నే ఈ సినిమాలో సమీర్ పాత్రకు ఉపయోగించాడు.
* సల్మాన్ ఖాన్, ఆయన సవతి తల్లి హెలెన్ (ప్రఖ్యాత నాట్యతార) కలిసి నటించిన తొలి సినిమా ఇదే.
* మొదట ఈ సినిమాకు పెట్టిన టైటిల్ 'దిల్ తో హమ్నే దియా సనమ్'.
Also Read